Erriberriko Antzerki Jaialdiak 25. urteurrena ospatuko du uztailaren 19tik abuztuaren 4ra, diziplina anitzeko programazioarekin. Bertan, 27 musika, dantza, zirku eta antzerki emanaldi izango dira. Oraingo honetan, programazioa Tafallara, Beirera, San Martin Unxera eta, lehen aldiz, Pitillasera zabalduko da. Zuzeneko ikuskizun horiez gain, Erriberrin bi sormen egoitza, lau prestakuntza-lantegi eta bi topaketa jasoko ditu artistekin eta kazetariekin. 25. urteurrena ospatzeko ziklo bat ere programatu da: gala bat, hiru mahai-inguru eta hiru erakusketa. Erriberriko Antzerki Jaialdia hitzordu nagusia dugu Nafarroako arte eszenikoen arloan. Nafarroako Gobernuko Vianako Printzea Erakundea-Kultura Zuzendaritza Nagusiak Baluarte Fundazioarekin lankidetzan egiten duen programa bat da.