Ipar-Haizeak

Ipar-Haizeak

Abonuko 6.: “Ipar-Haizeak”. 25-26ko abonu denboraldia Iruñean. Nafarroako Orkestra Sinfonikoa.

Nafarroako Orkestra Sinfonikoak 2026ko otsailaren 12an (osteguna) jarraituko du Iruñeko 25–26 denboraldia gauzatzen, 19:30ean, Baluarte Auditorioan, “Ipar-Haizeak” izenburuko kontzertua eskaintzeko. Zehazki, Jean Sibeliusen bi lan emanen ditu: Biolinerako kontzertua re minorrean, op.47 eta 1. Sinfonia mi minorrean, op.39.

Kontzertuan, Bomsori arituko da, hots, nazioarteko biolin-jotzailerik entzutetsueneko bat, eta  Nuno Coelho maisua arduratuko da musika-zuzendaritzaz.

Aurrez, kontzertuaren entzunaldi gidatu bat eginen da otsailaren 11n (asteazkena), CIVICANen, Biolinerako kontzertuaren inguruan.