Entzunaldi gidatua: 15/10/2025, CIVICAN
Zauriak sendatu
Abonuko 1.: “Zauriak sendatu”. 25-26ko abonu denboraldia Iruñean. Nafarroako Orkestra Sinfonikoa
Nafarroako Orkestra Sinfonikoak (OSN-NOS) 2025eko urriaren 16an (osteguna) helduko dio 25–26 denboraldiari Iruñean, 19:30ean, Baluarte Auditorioan, “Zauriak sendatu” izenburuko kontzertua emateko. Egitarauan bi lan daude barne: Prokofieven Sinfonia Kontzertantea op. 125 eta Txaikovskiren 6. Sinfonia, “Patetikoa”.
Lehen programa honetan, Nicolas Altstaedt arituko da, hots, nazioarteko biolontxelo-jotzailerik karismatikoen eta moldagarrienetako bat. Perry So izanen da musika-zuzendaria.
Aurrez, kontzertuaren entzunaldi gidatu bat eginen da urriaren 15ean, CIVICANen, 19:00etan, “Patetikoa” 6. Sinfoniaz.